Тажикстанда интимдик кызмат көрсөткөн эки келиндин жиликтенген сөөгү табылды

Тажикстанда интимдик кызмат көрсөткөн эки келиндин жиликтенген сөөгү табылды. Бул тууралуу Тажикстандын маалымат булактары жазып чыгышты.

Тергөөнүн жүрүшүндө эки келиндин бири үстүбүздөгү жылдын 21-июль күнү өлтүрүлгөнү белгилүү болгон. "Жаш жигиттер 25 жаштагы келинди интимдик кызмат үчүн чакырышып, акча төлөөргө келгенде ортодо чыр чыккан. Мындан улам келин мыкаачылык менен өлтүрүлгөн. Андан соң жансыз дене жиликтенип, дарыяга ыргытылган" - деп жазат Тажикстандын маалымат булактары.

Ал эми Тажикстандын Ички иштер министрлиги: “Бул кылмышка шектүү катары 3 жигит кармалды. Учурда алар убактылуу кармоочу жайга киргизилип, кылмыш иши козголду. Шектүүлөр 27-июль күнү да ушундай эле ыкма менен 23 жаштагы келинди өлтүрүшүп, сууга салып жиберишкен”, - деген билдирүү таратты.

Ички иштер министрлиги өлтүрүлгөн эки келиндин буга чейин интимдик кызмат көрсөтүп иштеп келишкенин билдирди.