Бишкекте мектеп окуучулары абактагы балдардын абалы менен таанышты

Бишкекте мектептердин жогорку класстарынын 52 окуучусу 9-апрель күнү абакта отурган балдардын абалы менен таанышып чыгышты. Бишкек шаардык ИИББи билдиргендей, окуучулар Панфилов районунун Вознесеновка айылындагы №14-өспүрүмдөр колониясында болушту. Иш-чаранын максаты - балдар жана өспүрүмдөр арасындагы кылмыштуулукту азайтууга салым кошуу болуп саналат. "Өзү теңдүү балдардын абакта отурганын көрсөтүү окуучулар үчүн натыйжалуу иш болот",- деп айтылат басма сөз кызматынын билдирүүсүндө.