Кемин районунда “апасын сабаган” деген шек менен 27 жаштагы жаран кармалды

Кемин районунда “апасын сабаган” деген шек менен 27 жаштагы жаран кармалды. Бул тууралуу бүгүн, 8-августта Чүй ОИИББинин басма сөз кызматы билдирди.

Маалыматка караганда, 6-август күнү Кемин райондук ички иштер бөлүмүнө 67 жаштагы С.У. аттуу тургун арыз менен кайрылган. Анда ал 5-август күнү саат 18:00 чамасында өз баласы эч себепсиз ур-токмокко алганын айткан. Бул факт боюнча ыкчам издөө иштери жүрүп, натыйжада жабырлануучунун 27 жаштагы С.А. аттуу баласы кармалган. Учурда шектүү убактылуу кармоочу жайга киргизилип, тергөө жүрүүдө.