Бюджеттин кирешелери 2017-жылы 140,2 миллиард сомго жетсе, 2019-жылы 152,5 миллиард сомго чейин өсөт

Бюджеттин кирешелери 2017-жылы 140,2 миллиард сомго жетсе, 2019-жылы 152,5 миллиард сомго чейин өсөт. Бул тууралуу Каржы министрлигинин Мамлекеттик кирешелерди болжолдоо башкармалыгынын башкы адиси Сыргак Узакбаев 8-августта Ош шаарында өткөрүлгөн ачык бюджеттик угууда айтканын мекеменин маалымат кызматы билдирди.

Анын ырасташынча, салыктык кирешелердин номиналдык көлөмү 2017-жылы 104,8 миллиард сомду түзчү болсо, 2019-жылы 127 миллиард сомго чейин көбөйөт. Ал эми 2017-2019-жылдар аралыгында салыктык эмес кирешелердин түшүүсү орточо 20,4 миллиард сомду түзөт. Орто мөөнөттүү келечекте расмий трансферттердин түшүүлөрү 2017-жылы 14 миллиард сом болсо, бул сумма 2019-жылы 5,3 миллиард сомго чейин азаят.