СУПЕРСТАН: "Балдар байпакты туш келди ыргытып, кайра издей беришет"

SUPER.KG порталынын "Суперстан" бөлүмүндө "Кыздар жана балдардын адаттары" деген тема талкууга алынууда.

Теманы ачкан колдонуучунун суроосу:

"Кыздар жана балдардын өздөрүнө тиешелүү ар кандай адаттары бар, кээ бири такыр орунсуз болуп кыжырды келтирет. Четтен караганда ашыкча, керексиз адаттарды таштаса болобу? Ар бирибиз өзүбүздүн жана башкалардын адаттарын айталы".

Темага калтырылган жооптор:

"Биринчи кыздардан баштасак:

- Чач байлагыч жок болсо, колго тийген нерсе менен беките беришет.

- Суроону укса да кайрадан сурай беришет.

- Кубат берүүчү каражатты розеткадан суурубай калтырып коюшат.

- Сыртка чыгарда күзгүдөн бир каранып, анан чыгышат.

- Көчөдө тонировка айнектерге карана беришет.

- Кыздар көчөдө баратып жок дегенде төрт-беш ирет көкүрөк таккычын түздөшөт.

- Кыздар чачын сылап жатып бир күндө төрт-беш ирет чачын түшүрүп, аны ороп-ороп бир кычыкка тыгат же сумкасына салышат...

Балдар:

- Байпакты туш келген жактарга ыргытып, издей беришет.

- Ачка болсо тамак жасаштан мурда кыялданып жата беришет же сыйкырчыны күтүшөбү...

- Футболка, майкасын чечип жүрө беришет.

- Балдар жолдо баратып жок дегенде үч-төрт ирет кыздардын көкүрөгүнө көз жүгүртүшөт".

"Кыздар өздөрүн ар дайым жакшы карап жүргөнгө аракет кылышат. Балдар көчөдө баратып же бирөө менен сүйлөшүп турган жеринде балчайтып түкүрүнө беришет, бул адаттары эч жакпайт. Адамдын көӊүлүн айланткан эӊ жаман адат".

Талкууга кошулгуңуз келсе, бул жакка кириңиз.