Жеке интернет-провайдерлер: "Мамлекет менен алака түзүүнү каалабайбыз"

Өлкөдөгү 603 орто мектепти интернетке туташтыруу боюнча Билим берүү жана илим министрлиги 163 600 000 сомго барабар тендер жарыялаган. Тендерге “Кыргызтелеком” ишканасынан башка бир дагы интернет таратуучу компания катышпагандыктан, кайрадан 12-августта жарыялангандыгы маалымдалган.

“Кымбаттуу интернет-провайдерлер, биздин мектептерге интернет керек! Билим берүү жана илим министрлиги республикалык бюджеттен каражат алып, балдарга шарт түзүүгө умтулуп жатат”, - деп Эльвира Сариева өзүнүн баракчасына бүгүн, 15-августта жазып чыкты.

Министр өзүнүн баракчасына жарыялаган маалыматта талаптын анчалык жогору эместиги жана бул иш бизнес тарабынан гана пайдалуу болбостон, элибиздин келечеги болгон мектеп окуучулары үчүн экенин эске салды. Ошондой эле Эльвира Сариева жеке интернет-провайдерлер мамлекет менен алака түзүүнү каалабай жатышканы тууралуу билдиришкенин кошумчалаган.

"Интернетке мектептерди жез, була-оптикалык кабель аркылуу же зымсыз деле кошсо болот. Шарттар кадимкидей эле, мектептерге жөн эле интернет берип койсоңуздар. Бир гана "Кыргызтелеком" 600 мектепти интернетке кошууга макул болду. Бирок алар талап кылган каражат бюджеттен бөлүнгөн акчадан жогору. Башка провайдерлер бул маселе тууралуу парламенттик комитеттердин отурумдарына катышып, окуучулар алар үчүн чоң даремет экенин түшүнүшкөн.

"Кыргызтелеком" бул каражатка өзү байланыш желесин куруп, андан соң аны акча капиталына айландырууну каалап жатат деп ойлой берсе болот, ошондуктан берилген сандар эки эсеге жогорулады. Же жеке провайдерлер кандайдыр бир себептерден улам бул тендерге кийлигишпей коюуну чечишкендир. Анан да бизге "мамлекет менен алака түзүүнү каалабайбыз" дешти... Министрлик инфраструктура маселелерин карабайт, бирок интернетке жол ачылса, чоң билимдерге жол кеңеймекчи. Сураныч, өзүңөрдүн тар багыттагы пландарыңарды коё тургулачы, ойлонгула, мектеп окуучуларынын алтыдан бир бөлүгү - эртеңки күндө негизги кыймылдаткыч күч!" - деп жазды министр.