Супер-Инфо
super.kg видео
"Сулайман-Тоо" комплексинин аймагындагы мыйзамсыз курулуштар буздурулууда
Ош шаарындагы "Сулайман-Тоо" улуттук тарыхый-археологиялык музей-комплексинин аймагындагы коргоо аймагына кирип кеткен мыйзамсыз курулуштар буздурулууда. Бул тууралуу бүгүн, 18-августта Мамлекеттик экологиялык-техникалык инспекциядан билдиришти.
"Мамэкотехинспекциянын Ош шаары боюнча башкармалыгы тарабынан комплекстин аймагы дыкат көзөмөлгө алынып, мыйзамсыз курулган чарба курулуштары жана тосмолор буздурулуп, ээлерине түшүндүрүү иштери жүргүзүлүүдө. Ошондой эле музей-комплекстин аймагына кирип кеткен жер тилкелеринин ээлерине бошотуп коюуга мыйзам чегинде эскертүүлөр берилди. Берилген эскертүүлөрдү аткарбаган 1 объектинин ээсинин үстүнөн Ош шаардык ИИБге, ал эми эки объект боюнча Ош шаардык сотуна материалдар даярдалып берилди. Калган тосмолорду ээлери өз ыктыяры менен бузуп жатышат", - деп айтылат маалыматта.
0
Негизи эле озунун жеринен ашык жерди кошуп алыш туура эмес,мисалы Алматинская кочосу менен ГЭС-2га карай баса албайсын,тротуарды кошуп алышкан,башка дагы канча жерлер кошулуп кетип атат,ошондой жерлерди атайын кызматтар элге кайрылып:арыз жазбай эле мындай суротко тартып жиберсенер озубуз жазалап коёбуз десе го чиркин,элдин баары с удовольствием ордуна келтирип коёт эле анча-мынча ач коз адамдарды.