Токтогулда үй ээсин ок атуучу курал менен коркутуп, 400 миң сомдук зер буюмдарды алып кеткендер изделүүдө

Токтогулда үй ээсин ок атуучу курал менен коркутуп, кымбат баалуу зер буюмдарды алып кеткендер изделүүдө. Бул тууралуу бүгүн, 2-сентябрда SUPER.KG порталына Жалал-Абад облустук ички иштер башкармалыгынан билдиришти.

"21-августтан 22-августка караган түнү саат 03:00 чамасында Токтогул шаарындагы үйлөрдүн бирине белгисиз бет капчан 3 жаран ок атуучу курал жана темир таяктар менен кирип үй ээлерин коркутушуп, колу-буттарын скотч менен байлап, тоноп кетишкен. Алар 25 миң сомдук сыналгы, 7 миң сомдук уюлдук телефон, 10 миң сомдук азем белек саат, 400 миң сомдук зер буюмдарын алып, үйдүн короосунда токтоп турган Лексус 470 үлгүсүндөгү унаанын алдынкы айнектерин сындырып изин жашырып кетишкен", - деп билдиришти ОИИБинен.

Учурда бул факт боюнча кылмыш иши козголуп, ыкчам иликтөө тобу кылмышкерлерди издөө иштерин жүргүзүүдө.