Волейбол боюнча улуттук курам Мальдив курамасын утуп, кийинки тандоо туруна чыкты

Чолпон-Ата шаарында (Ысык-Көл) волейбол боюнча Дүйнө чемпиондугунун тандоо туру жыйынтыкталды. Борбордук Азия зонасы боюнча өткөрүлүп жаткан мелдешке 3 команда катышкан: Кыргыз Республикасы, Бангладеш жана Мальдив аралдары. Командалар өз ара бирден беттеш өткөрүп, жыйынтыгында улуттук курамабыз 1-орунду ээлеп, кийинки тандоо туруна жолдомо алды.

15-сентябрда волейбол боюнча улуттук курам алгачкы беттешин Бангладешке каршы өткөрүп, 3:0 эсебинде уткан (25:19; 25;16; 26:24). 17-сентябрда Мальдив аралдарынын курамасы биздин волейболчуларыбызга туруштук бере алышкан жок (25-16; 25-18; 25-19).

15-сентябрь. 1-тур

Кыргыз Республикасы – Бангладеш - 3:0 (25:19; 25;16; 26:24)

16-сентябрь. 2-тур

Мальдив – Бангладеш - 3:1 (28-26; 25-21; 15-25; 25-20)

17-сентябрь. 3-тур

Кыргыз Республикасы – Мальдив - 3:0 (25-16; 25-18; 25-19).