Панфилов жана Фрунзе көчөлөрүнүн кесилишиндеги көп кабаттуу үйдөгү өрттүн чыгуусуна ачык өрт булагы себеп болгон

Панфилов жана Фрунзе көчөлөрүнүн кесилишиндеги көп кабаттуу үйдөгү өрттүн чыгуусуна ачык өрт булагы себеп болгон. Тактап айтсак, тилсиз жоо күйүп жаткан нерседен улам тутанган. Бул тууралуу бүгүн, 28-сентябрда Өзгөчө кырдаалдар министрлигинен билдиришти.

Маалыматка караганда, өрт саат 23-июнь күнү саат 20:35 чамасында башталган. Аны өчүрүүгө 11 өрт өчүрүүчү бөлүм тартылып, дээрлик 7 саатта толугу менен өчүрүлгөн. Өрттүн кесепетинен 13 кабаттуу №190-үйдүн 3000 чарчы метр, жыгач устундуу, черепица менен жабылган чатыры толугу менен жана 13-кабаттын батирлери, эшик-терезелери, үй эмеректери күйгөн. Өрт учурунда каза тапкандар жана жабыркагандар болгон эмес.