Кыргыз-өзбек чек арасын тактоо: Сүйлөшүүлөрдүн үчүнчү раунду өттү

2016-жылдын 5-14-октябрында Кыргыз Республикасынын жана Өзбекстандын кыргыз-өзбек чек арасын делимитация жана демаркациялоо маселеси боюнча өкмөттүк делегацияларынын жумушчу топторунун сүйлөшүүлөрүнүн үчүнчү раунду өттү. Бул тууралуу 17-октябрда өкмөттүк аппараттан билдиришти.

Тараптар кыргыз-өзбек мамлекеттик чек арасынын чегин аныктоо боюнча конструктивдүү кызматташууга багыт алууда. Өкмөттүк делегациялардын жумушчу топтору тарабынан кыргыз-өзбек мамлекеттик чек арасынын 50дөн ашуун тилкеси иликтенген. Жүргүзүлгөн иликтөөлөрдүн натыйжасында тийиштүү протоколго кол коюлган. Өкмөттүк делегациялардын жумушчу топторунун деңгээлиндеги сүйлөшүүлөр мурда жетишилген келишимдерге ылайык жүргүзүлүп жатканы айтылды.