Каржы министрлиги "референдум өткөрүүгө 615 миллион сом жумшалат" деген маалыматты четке какты

Каржы министрлиги "референдум өткөрүүгө 615 миллион сом жумшалат" деген маалыматты четке какты. Министрликтен 18-октябрда SUPER.KG порталына тастыкташкандай, референдум үчүн 135 миллион сом, жергиликтүү кеңештин депутаттарын шайлоого 258 миллион сом каралууда. Референдумга каралган 135 миллион сомдун 67 миллион сому 2016-жылдын республикалык бюджетине киргизилмекчи. Мындан тышкары Мамлекеттик каттоо кызматы шайлоого көмөктөшкөн операторлордун кызматына 61 миллион сом, Тышкы иштер министрлиги чет өлкөдө шайлоочуларга шарт түзүүгө 7 миллион сом бөлүүнү суранууда.

Парламенттин Транспорт, коммуникация, архитектура жана курулуш комитетинин 18-октябрдагы жыйынында депутат Улугбек Ормонов референдум кайсы күнү өтөрү так чечиле электе Каржы министрлиги бул үчүн 615 миллион сом бөлүп жатканын билдирген эле.