Отставкага кеткен өкмөттүн курамы (тизме)

Өкмөт расмий түрдө отставкага кетти. Бул тууралуу бүгүн, 26-октябрда журналисттерге Жогорку Кеңештеги КСДПнын лидери Иса Өмүркулов билдирди. Анын айтымында, өкмөттүн курамында өзгөрүүлөр болот, ал эми Сооронбай Жээнбеков премьер-министр кызматында калмакчы. Өлкөнүн премьер-министри, биринчи вице-премьер-министри, вице-премьер-министрлери, өкмөт мүчөлөрү, административдик мекемелеринин жетекчилери азыркы ээлеген кызматында "милдетин аткаруучу" катары жаңы өкмөт түзүлгөнгө чейин ишин улантышат.

Эскерте кетсек, 2016-жылдын 13-апрелинде Жогорку Кеңеш премьер-министрликке Сооронбай Жээнбековдун талапкерлигин жана өкмөттүн жаңы курамын бекиткен. Отставкага кеткен өкмөттүн курамы төмөнкүдөй:

- премьер-министрдин милдетин аткаруучу - Сооронбай Жээнбеков

- биринчи вице-премьер-министрдин милдетин аткаруучу - Мухаммедкалый Абылгазиев

- экономикалык маселелер боюнча вице-премьер-министрдин милдетин аткаруучу - Олег Панкратов

- социалдык маселелер боюнча вице-премьер-министрдин милдетин аткаруучу - Гүлмира Кудайбердиева

- чек ара маселелери боюнча вице-премьер-министрдин милдетин аткаруучу - Жеңиш Разаков

- өкмөттүн аппаратынын башчысы - министрдин милдетин аткаруучу - Акылбек Осмоналиев

- тышкы иштер министринин милдетин аткаруучу - Эрлан Абдылдаев

- билим берүү жана илим министринин милдетин аткаруучу - Эльвира Сариева

- маданият, маалымат жана туризм министринин милдетин аткаруучу - Түгөлбай Казаков

- транспорт жана коммуникациялар министринин милдетин аткаруучу - Замирбек Айдаров

- ички иштер министринин милдетин аткаруучу - Кашкар Жунушалиев

- юстиция министринин милдетин аткаруучу - Жылдыз Мамбеталиева