Сойкулук менен алектенүү үчүн бузукулук уюктарын уюштурган аял кармалды

Сойкулук менен алектенүү үчүн бузукулук уюктарын уюштурган аял кармалды. Бул тууралуу Бишкек шаардык ички иштер башкы башкармалыгынын басма сөз кызматы билдирди.

"Бишкек шаардык ички иштер башкы башкармалыгына Абай көчөсүндөгү саунада 40-45 жаштагы аялдар көп убактан бери бузукулук уюктарын уюштуруп, сойкулук менен алектенип келишери тууралуу маалымат түшкөн. Бул факт боюнча Кыргыз Республикасынын Кылмыш-жаза кодексинин 261-беренеси (сойкулук менен алектенүү үчүн бузукулук уюктарын уюштуруу же аны кармоо) боюнча кылмыш иши козголду.

Бишкек шаарынын Свердлов районунун соттук чечими менен тинтүү иштерине уруксат алынган. 27-октябрда аталган дарек боюнча тинтүү иштери жүрүп, саунанын администратору, Чүй облусунун Г.Л. аттуу тургуну сойкулук менен табылган 2500 сому менен кармалган. Андан тышкары интимдик кызмат көрсөткөн 3 кыз кармалган.

1. Нарын облусунан 1990-жылкы М.Т.
2. Ош шаарынан 1991-жылкы М.К.
3. Өзбекстандык 1973-жылкы М.Т.", - деп айтылат маалыматта.

Г.Л. аттуу жаран убактылуу кармоочу жайга киргизилди.