СУПЕРСТАН: "Айлык акы менен үй салуу мүмкүн болсо, чет жакка чыкпай иштемекпиз"

SUPER.KG порталынын "Суперстан" бөлүмүндө "Айлык акы менен үй салуу мүмкүнбү?" деген тема кызуу талкууга алынууда.

Темадагы билдирүүлөр:

"Жолдошум мамлекеттик жумушта иштейт, айлыгы да чеке жылытарлык эмес. Дипломумду алсам, мен да мамлекеттик жумушка кирсем деп ойлоп жатам. Айлык акы менен үй сала алабызбы? Эгер болсо, канча жылда бүтүрө алабыз, ушул жөнүндө оюңуздарды билгим келет".

"Мамлекеттик иштин айлыгы аз болот, ошентсе да силердин эмне иш кылганыңардан көз каранды. Айлык акыга үй салуу өтө кыйын иш, ал ишиңерден сырткары кошумча бизнес кылышыңар керек. "Аракетке берекет" деп коёт эмеспи, иниңиз, агаңыз, жакын туугандарыңыз уста болсо, алардын жардамы менен тез эле бүтүрсө болот".

"Көпчүлүк эле адамдар айлык акыга үй салса керек деп ойлойм".

"Айлык акыга үй салыш кыйын, андан башка да бир нече акча табуучу булак табыш керек".

"Үй салыш үчүн насыя алыш керек. Алганда төлөй ала тургандай кылып көп жылга алып, айлык акыңдан төлөй берсең болот".

"Азыркы учурда айлыкка үй сала албайсың. Эгер мүмкүн болсо, анда баарыбыз чет жактарга чыкпай, диплом менен эле иштеп отурмакпыз да".

Талкууга кошулгуңуз келсе, бул жакка кириңиз.