Токтогул районунун акими Каттоо иштери бөлүмүндөгү түшкү тыныгууга эрте чыккан кызматкерлерди жеке көзөмөлүнө алмай болду

Токтогул районунун Паспорттук-визалык жана каттоо иштери бөлүмүндө түшкү тыныгууга эрте чыгып, кеч келүү болбойт. Бул тууралуу бүгүн, 3-ноябрда SUPER.KG порталына Токтогул районунун акими Майор Сатымкулов билдирди.

"Соңку убактарда Токтогул райондук паспорттук-визалык жана каттоо иштери бөлүмү кызуу иш алып барууда. Алдыдагы шайлоо иштерине байланыштуу жарандардын паспортторун текшерүүгө алып, 1994-жылдагы эски үлгүдөгү паспортторду алмаштыруу иштерин жүргүзүп жатышат. Ал эми жумушка түшкү тыныгууга эрте чыгып, кеч кайтуу боюнча өзүм жеке көзөмөлүмө алам. Андай маселе жаралбаш керек", - деп билдирди район акими.

Маалыматка ылайык, аталган мекемеде 3 кызматкер эмгектенет. Алардын ичинен 1 кызматкер айыл аймактарын кыдырып, айыл өкмөттөгү паспорттук иштер менен алектенет.

Эске салсак, окурман 3-ноябрда "Элдик кабарга" Токтогул районунун паспорттук-визалык жана каттоо иштер бөлүмүнүн кызматкерлери түшкү тыныгууга эрте чыгып, кеч келишерин билдирген.