Манас жана Кара-Буура райондорунда катуу шамал катталып, турак үйлөрдүн чатырларын учурду

Өзгөчө кырдаалдар министрлигинин маалыматына караганда, 4-ноябрь күнү саат 04:00дөн 05:00гө чейин Манас районунун аймагында катуу шамал катталган. Анын натыйжасында:

- Үч-Коргон айыл аймагындагы Рахманбердиев атындагы орто мектептин 75 даана шифери жана 15 турак жайдын чатыры;

- Покровка айыл аймагында 6 турак жайдын чатыры;

- Май айыл аймагында 20 турак жайдын чатыры;

- Кыргызстан айыл аймагында 12 турак жайдын чатыры учкан.

Ал эми Кара-Буура районунда катталган катуу шамалдын кесепетинен:

- Аманбаев айыл аймагында электр чубалгылары үзүлгөн, 2 электр мамысы кулап, 8 турак үйдүн чатыры учкан;

- Ак-Чий айыл аймагында 10 турак үйдүн чатыры;

- Шекер айыл аймагында 2 турак үйдүн чатыры;

- Чолпонбай айыл аймагында 6 турак үйдүн чатыры учкан.