МЕДИА-ПОРТАЛ: "Кол чап" деген ырымдын клиби досторумдун колдоосу менен тартылган" дейт ырчы Добр

Рэп ырчысы Добрдун көп клиптерин бийчи кыз-жигиттер коштоп келишет. "Медиа-портал" бөлүмүндөгү "Кол чап" ырынын клибинин да көркүн бийчилер ачкан.

Клип тууралуу ырчы буларга токтолду: "Кол чап" ырынын клиби 2015-жылы Бишкектеги Манас айылында жана түнкү клубдардын биринде тартылып, "Береке", "Fryday" бий топтору коштоп турган. Клиптеги унаалар досторумдуку, алар массовкага да катышышкан. Клипке гана тартылбастан, бийчилерди улам ары-бери ташып колдоо көрсөтүп турушкан. Бийчилерди топтун Айнура аттуу жетекчиси даярдаган".

Ал эми колдонуучулардын кээ бири "Мына сага, баары эң жакшы! Эми тойлордун көркүн ачат экен, азамат!" десе, башкалары "ыр жана музыка сонун, бирок бийчилер такыр окшото алышпаптыр" деген ойлорун билдиришкен. Андыктан клипти көрүп, өз бааңызды берсеңиз болот.

Добрдун "Кол чап" ырынын клибин бул жерден көрүңүз.