МЕДИА-ПОРТАЛ. Ырчы Автандил: "Кыздар тамашалап, ал кыздын жыпарынан жыттагыча, бизди жыттабайсыңбы дешчү"

"Медиа-портал" бөлүмүндөгү ырчы Автандилдин "Сен" ырынын клиби үчүн колдонуучулар аны "Кыргыз кызын таппай калдыңбы?" деп сындашкан.

Ырчы клип тууралуу буларга токтолду: "Негизи, кыздарды тандоо учуру узакка созулган, кастингге көп кыздар келишкен. Анан башкы каарман Эляны кастингден эмес, Одноклассники аркылуу тапканбыз. Башкалардан өзгөчөлөнүп тургандыктан клипке тартылган. Анда азыркыдай Инстаграм деген жок болчу. Көпчүлүгү "Ал эмне болгон кыз, улуту ким?" деп сурай беришет. Кыз кара-балталык, Бишкек шаарында окучу. Атасы кара терилүү болсо, апасы дунган улутунан.

Ырда "Карааныңдан кагыламын, махабатка салып жанды. Жыпарыңдан жыттатпадың сен..." деген саптар бар болчу. Кээ бир тааныш кыздар тамашалап, "ал кыздын жыпарынан жыттагыча, биздин жыпарыбызды жыттабайсыңбы..." деп калышчу".

Автандилдин "Сен" ырынын клибин бул жерден көрүңүз.