СУПЕРСТАН: "МАИ акелерге дайыма акча берип турам"

SUPER.KG порталынын "Суперстан" бөлүмүндө "Ким МАИчиге канча акча берген?" деген темада форумчулар окуялар тууралуу ой бөлүшүп жатышат.

Темадагы билдирүүлөр:

"МАИ кызматкерлерине ким канча акча берет? Мен, мисалы, эң көп дегенде 1000 сом берсем, аз дегенде 100-200 сом берип кутулам".

"МАИ акелерге дайыма акча берип турам. Ышкырыгы 20 сом болсо, эң көп бергеним 500 сом болгон".

"Бир жолу жумуштан түнкү бирлер чамасында чыгып, үйгө кетип баратып МАИ кызматкерлерине кармалгам. Жолдор аңгыл-дөңгүл болгондуктан, жайпап айдап келе жаткам, мени мас деп ойлошуптур. Жанымда айдоочулук күбөлүгүм да жок болчу, "унаадан түшүңүз" деп калышты. Унаадан түшкөндөн уялганымды айтпагыла, анткени кыска шорты кийип алгам. Ар кайсы нерсени айтып жатып 1000 сом берип кутулгам. Андан кийин МАИчилер тосо элек, тоспой эле коюшсун".

"Өткөндө жол чырактын кызыл жарыгы күйүп жатканына карабай өтүп кеттим. МАИ аке тосуп "үка, өлдүң" дейт. Аны-мунуну кулакка илип, чөнтөктө болгон акчаны тыйынынан бери кошуп бердим. Жакшысы, капчыкта аз эле акча бар экен".

"МАИчилердин көбү менен жумушум аркылуу жакшы тааныш болуп калганыма байланыштуу айып пул деле төлөбөйм. Бирок ар бир бузган эрежем үчүн жетекчиликтен кагуу жеп турам".

"Эсимде, мындан 5 жыл мурда, жол чырактын кызылы күйүп туранда өтүп кетип, МАИ кызматкерине 1 доллар бергем. Ал кызматкер менден 300 сом сураган, майда акча жок болгондуктан, 1 доллар берип кутулуп кеткем".

Талкууга кошулгуңуз келсе, бул жакка кириңиз.