Бишкекте “Тилим менин - дилим менин” аттуу жаңы китептин бет ачары болот

23-апрель – Эл аралык китеп жана автордук укук күнүнө карата Бишкекте акын Байдылда Сарногоевдин 80 жылдыгына арналган “Тилим менин - дилим менин” аттуу жаңы китептин бет ачары болот. Бул тууралуу Мамлекеттик тил боюнча улуттук комиссиянын басма сөз кызматы билдирди. Иш-чарага кыргыз элинин акын-жазуучулары, маданият ишмерлери, студенттер жалпы эле окурмандар катышат. Китептин бет ачары борбор шаардагы К.Баялинов атындагы жаштар китепканасында өтөт. Жаштардын китепке болгон кызыгуусун арттыруу максатында өтүп жаткан мындай иш-чара Мамлекеттик тил боюнча улуттук комиссиясы, Бишкек шаардык мэриясы жана аталган китепкана тарабынан уюштурулууда.