ЖЫЛНААМА, 12-ДЕКАБРЬ: 5 жыл мурун Ахматбек Келдибеков Жогорку Кеңештин спикери кызматынан кеткен

5 жыл мурун Ахматбек Келдибеков Жогорку Кеңештин спикери кызматынан отставкага кеткен. 2011-жылы 12-декабрда коомчулуктагы ага карата ызы-чуулуу маалыматтардан улам спикер кызматынан кеткен. Анын билдирүүсүн ошол учурдагы вице-спикер Бакыт Төрөбаев парламенттин жыйынында окуган. Келдибековдун бул кадамы коалициялык көпчүлүктүн таркашына байланыштырылып, анын коомдо туруктуулукту сактоо аракети менен түшүндүрүлгөн. Келдибеков парламенттин жыйынында сөз сүйлөп, өзүнө коюлган дооматтарды мойнуна алган эмес.

Белгилей кетсек, 30-ноябрда “Ата Мекен” фракциясы "Келдибеков кылмыш дүйнөсүнүн өкүлдөрү менен байланышкан", "мамлекеттик кызматкердин этикасын бузган", "KG номурларды туш келди тараткан" деген өңдүү 15 пункттан турган айып коюп, ага ишеним көрсөтпөө тууралуу чечим кабыл алган.