Бишкек менен Оштогу 10 миңден ашуун видеобайкоочу камера быйыл 37 кылмыштын бетин ачууга жардам берди

Бишкек шаарынын аймагында 9701, Ош шаарында 621 видеобайкоочу камера орнотулган. Бул тууралуу бүгүн, 13-декабрда Жогорку Кеңештин Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин жыйынында ИИМдин башчысынын орун басары Алмазбек Орозалиев билдирди.

Анын айтымында, 2016-жылдын 10 айынын ичинде бул видеокамералардын жардамы менен 37 кылмыштын бетин ачылды. "Бети ачылган кылмыштардын ичине зордуктоолор, тоноолор жана уурдоолор кирет", - деди Орозалиев.

Айта кетсек, аталган комитеттин жыйынында "Сырткы видеобайкоо жөнүндө” мыйзам долбоору каралууда. Ага ылайык, республикадагы бардык сырткы видеобайкоочу камералардагы жазуулар бирдиктүү серверге киргизилүүгө тийиш.