"Кыргызстан - кыска метраждуу тасмалардын өлкөсү" кинофестивалынын жеңүүчүлөрү аныкталды

Бүгүн, 15-декабрда "Кыргызстан - кыска метраждуу тасмалардын өлкөсү" кинофестивалы жыйынтыкталып, жеңүүчүлөр аныкталды. Бул тууралуу аталган кинофестивалдын уюштуруучулары кабарлашты.

Маалыматка ылайык, улуттук сынакта төмөнкү тасмалар сыйлыкка ээ болушту:

Мыкты фильм - "Олжо" тасмасы, режиссёру Болсунбек Таалайбек уулу.

Мыкты режиссура - "Тегирмен" фильми, режиссёру Кенжебек Шайлообаев.

Калыстардын атайын белеги - "Байлыктын азгырыгы" тасмасы, режиссёру Сырга Кубандык кызы.

Улуттук сынакта "Көрүүчүлөрдүн сүймөнчүлүгүнө ээ болгон тасма" номинациясы боюнча 2 тасма:

"Олжо", режиссёру Болсунбек Таалайбек уулу.

"Бир катанын баасы", режиссёру Жекшенбай уулу Токтомуш.

Мыкты үн кооздоо - "Лунатик", Калыбек Шерниязов, режиссёру Зирегүл Кубандык кызы.

Эл аралык сынакта жеңиш төмөнкү тасмаларга буюрган:

Мыкты фильм - "Раиса", режиссёру Павел Кузуйок (Молдова).

Мыкты режиссура - "Эркек" тасмасы, режиссёру Берик Жаханов (Казакстан).

Калыстардын атайын белеги - "Рахмат, доктор!", режиссёру Адилет Каржоев (Кыргыз Республикасы) жана "Сейил бактагы окуя", режиссёру Петерис Кимелис (Латвия).

Бул жылы улуттук сынакка 12, ал эми эл аралык сынакка 14 тасма катышкан.