Бишкекте "жер тилкесин алып берем" деп шаар тургунунан акча алып, убадасын аткарбай жүргөн жаран кармалды

Бишкекте "жер тилкесин алып берем" деп шаар тургунунан акча алып, убадасын аткарбай жүргөн жаран кармалды. Бул тууралуу бүгүн, 16-декабрда Бишкек шаардык ички иштер башкы башкармалыгынын басма сөз кызматы билдирди.

Маалыматка караганда, үстүбүздөгү жылдын 16-ноябрь күнү Октябрь РИИБинин кызматкерлерине шаар тургуну кайрылып, Сабыр аттуу чала тааныш адам "жер тилкесин алып берем" деп 1000 доллар алып, бирок ушул убакка чейин убадасын аткарбай жүргөнүн айткан. Бул арыздын негизинде кылмыш иши козголуп, ыкчам издөө иштери жүргөн. Натыйжада кылмышка шектүү катары 1979-жылы туулган Э.С. кармалган. Мурда бир жолу сот жообуна тартылган. Учурда №1-СИЗОго киргизилип, тергөө амалдары жүрүп жатат.

Эгерде андан жабыркагандар болсо, 0557 102-155, 0551 102-870 телефон номурлары аркылуу кабарласа болот.