Супер-Инфо
super.kg видео
ТЕСТ: Өлкөдө канча ГЭС бар экенин, светтин баасын ким аныктап жатканын билесизби?
Бүгүн, 22-декабрда Кыргыз Республикасында энергетика кызматкерлери кесиптик майрамын белгилешет. Убагында бир энергетика министринин "мурда кар жааса лыжа тебем деп сүйүнчүмүн, азыр, тескерисинче, кар жааса маанайым түшөт" дегени бар. Анткени кыргыз энергетикасынын абалы жакшы эмес. Суук түшөрү менен свет өчүрүүлөр башталат, тарифтер да акырындап көтөрүлүүдө. Светке акча төлөгөнүңүздө дүмүрчөккө үңүлүп, сиз иштеткен электрдин баасы кантип эсептелип жатканына кызыгып көрдүңүз беле? Өлкөдө канча чакан ГЭС иштеп жатканыначы? Тесттен өтүп, бул жаатта мыкты экениңизди далилдеңиз.
1
2
3
4
5
6
7
8
9
10
11
12
13
14
15
Камбар-Ата-2 ГЭСинин биринчи агрегаты кайсы жылы ишке киргизилди?
ГЭСтин биринчи агрегаты 2010-жылдын август айында, ошол кездеги президент Роза Отунбаеванын катышуусунда ишке киргизилген.
2007-жылы
2011-жылы
2010-жылы
Кыргыз жеринен Ооганстан менен Пакистанга электр энергиясын экспорттоого жол ача турган өкмөттөр аралык долбоордун аталышы?
"CASA-1000" долбоорунун алкагында Кыргыз Республикасы жана Тажикстан Ооганстан менен Пакистанга электр энергиясын экспорттоо мүмкүнчүлүгүнө ээ болот. Долбоорго 2016-жылдын 12-майында Дүйшөмбү шаарында старт берилди.
"Кыргызстан-Ооганстан-Пакистан-2020"
"CASA-1000"
"ХИПИК-2025"
Токтогул ГЭСинде акыркы жолу качан авария болду?
"Электр станциялары" ишканасы Токтогул ГЭСинде 2016-жылдын 15-декабрында авария болгонун тастыктады. Анда 500 киловаттык кабель иштен чыккан. Аталган ГЭСте 2012-жылдан бери 4 жолу авария болду.
2016-жылдын декабрь айында
2015-жылдын декабрь айында
2013-жылдын ноябрь айында
Кыргыз жеринде азыркыга чейин светсиз, чырак менен жашаган айылдар бар. Алардын бири...
Аксы районунун Кызыл-Бейит айылына бүгүнкү күнгө чейин электр жарыгы тартыла элек. Райондун Күрп-Сай, Кургакты айылдары да чырак менен күн кечирүүдө.
Сокулуктагы Асылбаш айылы
Аксыдагы Кызыл-Бейит айылы
Ноокаттагы Төөлөс айылы
"Кыргыз газ" ишканасы Орусияга канча суммага сатылганы эсиңиздеби?
"Кыргыз газды" орусиялык "Газпром" шарттуу түрдө 1 долларга сатып алган. "Газпром" Кыргыз Республикасын үзгүлтүксүз газ менен камсыз кылууну, мамлекеттин газ берүү системин оңдоп, 5 жылдын ичинде Кыргыз Республикасынын газ тармагына 20 миллиард рубль инвестиция салууну моюнга алган.
10 миллион долларга
365 миллион долларга
1 долларга
Өлкөдө 2015-жылы бүткөрүлгөн ири энергетикалык долбоор?
500 киловольт кубаттуулуктагы "Датка" жана "Кемин" подстанцияларын туташтырган линия тартылып бүттү. Бул линия Кыргыз Республикасын энергетикалык жактан Казакстан менен Өзбекстандан көз карандысыз кылат.
Камбар-Ата-1 ГЭСинин курулушу
"Датка-Кемин" линиясынын курулушу
Бардык ГЭСтердин жаңыланышы
Бишкек жылуулук электр борбору (ТЭЦ) кайсы жылы ишке киргизилген?
Бишкек жылуулук электр борборунун курулушу 1958-жылы башталып, ишкананын алгачкы турбоагрегаты 1961-жылы ишке киргизилген. Учурда анда 11 турбоагрегат иштейт.
1959-жылы
1957-жылы
1961-жылы
Кыргыз Республикасында кайсы ГЭСти курууга Өзбекстан каршы болуп келет?
Өзбекстан көп жылдан бери Камбар-Ата-1 ГЭСин курууга каршы болуп келет. Долбоорду эл аралык экспертизадан өткөрүүнү талап кылган коңшулар БУУнун Башкы ассамблеясынын сессиясына чейин барып арызданууда.
Чаткал ГЭСин курууга
Камбар-Ата-1 ГЭСин курууга
Үч-Коргон -2 ГЭСин курууга
Электр энергиясынын тарифин учурда ким аныктайт?
Мурда электр энергиясынын тарифин аныктоо Жогорку Кеңеш менен макулдашылып келсе, 2014-жылы атайын мыйзам кабыл алынып, өкмөт тарифтерди өз алдынча аныктоо укугуна ээ болгон.
Президенттик аппарат
Жогорку Кеңеш
Өкмөт
Өлкөдө бүгүнкү күндө канча чакан ГЭС иштеп жатканын билесизби?
Өлкөдө 13 чакан ГЭС иштеп жатат. Жыл башында Жогорку Кеңештин депутаттары Советтер Союзу маалында Кыргыз жеринде 152 чакан ГЭС иштесе, учурда 13ү гана иштеп жатканын айтышкан.
15
13
17
Ири ГЭСтердин көбү кайсы облуста жайгашкан?
ГЭСтердин көбү Жалал-Абад облусунда жайгашканы белгилүү. Токтогул, Күрп-Сай, Таш-Көмүр, Шамалдуу-Сай, Үч-Коргон ГЭСтери ушул облуста.
Нарын облусунда
Жалал-Абад облусунда
Чүй облусунда
Бул белгилүү сөз мамлекеттин энергетика тармагындагы коррупцияны түшүндүрөт.
Ширшовдун схемасы... Олигарх Алексей Ширшов Бакиевдердин тушунда кыргыз энергетикасында түзүп кеткен коррупциялык схема азыркыга чейин жоюлбай жатканын чиновниктер айтып жүрүшөт.
Ширшовдун схемасы
Балкыбековдун системи
Шадиевдин "шабашкасы"
Учурда электр энергиясынын ар бир киловатт-сааты "700 киловаттка чейин" жана "700дөн кийин" деп эки башка тарифте эсептелет. Ал кайсы тарифтер?
Эл 700 киловаттка чейин колдонгон электр энергиясы үчүн 77 тыйындан, андан ашкандан кийин 2 сом 16 тыйындан төлөп жатат. 2017-жылы тарифтер дагы өзгөрүшү мүмкүн экени айтылууда.
77 тыйын жана 2 сом 16 тыйын
70 тыйын жана 2 сом 05 тыйын
77 тыйын жана 1 сом 70 тыйын
Кыргыз энергетикасын учурда кайсы мамлекеттик орган башкарууда?
Энергетикалык саясатты жүргүзүү укугу Улуттук энергетикалык холдинг компаниясында, чарба иштерин Өнөр жай, энергетика жана жер казынасын пайдалануу комитети аткарат. Өлкөдө Энергетика жана өнөр жай министрлиги 2015-жылы жоюлуп кеткен.
Энергетика жана өнөр жай министрлиги
Кыргыз Республикасынын Коргоо кеңеши
Улуттук энергетикалык холдинг компаниясы
Кыргыз Республикасындагы эң ири ГЭСти атаңыз.
Өлкөдөгү эң ири ГЭС - Токтогул ГЭСи. Төрт агрегаттуу электр станциясы 1975-жылдан бери иштеп, өлкөнү электр жарыгы менен камсыздап келет. Токтогул суу сактагычында бүгүнкү күндө 17 миллиард метр куб суу бар.
Күрп-Сай ГЭСи
Токтогул ГЭСи
Шамалдуу-Сай ГЭСи
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
2
Менин телефонум самсунг галакси с4