Ырчы, обончу Чубак Сатаевге тургузулчу эстелик чукул арада бүткөрүлөт

Кыргыздын чыгаан уулу, таланттуу ырчы жана обончу Чубак Сатаевге эстелик тургузулат. Бул эстелик жакынкы аралыкта бүткөрүлүп, обончунун кичи мекени болгон Талас облусунун Боо-Терек айылына коюлат. Бул тууралуу анын уулу Кубаныч Сатаев билдирди.

Өмүрүнүн акыркы күнүнө чейин достошкон аккордеонун кармаган Ч.Сатаевдин эстелигинин бийиктиги 2 метрден ашат.

Кошумчалай кетсек, ырчы артында “Арман, ай”, “Кайгырбачы, кан досум” “Кең дүйнө”, “Ак бата” сыяктуу өлбөс эмгектерди калтырган. 33 жашында 33 обондуу ыр жаратканга жетишкен ырчы, обончу 1993-жылы дүйнө салган. Дарыгерлер анын өлүмү мээсине кан куюлганынан улам келип чыкканын айтышкан.