Кыргыз Республикасынын 2017-жылкы бюджети жөнүндө мыйзамга кол коюлду

Президент Алмазбек Атамбаев "2017-жылга карата Кыргыз Республикасынын республикалык бюджети жана 2018-2019-жылдарга прогноз жөнүндө" мыйзамга кол койду. Бул документти Жогорку Кеңеш 30-ноябрда кабыл алган эле.

Кол коюлган мыйзамга ылайык, 2017-жылкы республикалык бюджеттин кирешеси 126 миллиард 800 миллион сом, чыгымы 150 миллиард 100 миллион сом деп бекитилди. 2017-жылкы республикалык бюджеттин жетишсиздиги 23 миллиард 300 миллион сомду түздү.

Мыйзам 2017-жылы 1-январдан тартып күчүнө кирет.