Бишкек шаардык кеңешинин жаңы депутаттары мандат алышты

Бишкек шаардык кеңешинин жаңы депутаттары мандат алышты. Депутаттарга бүгүн, 29-декабрда кызматтык күбөлүк жана төш белги тапшырган Борбордук шайлоо комиссиясынын төрайымы Нуржан Шайлдабекова жергиликтүү кеңешке шайлоодо партиялар ортосунда чыныгы атаандаштык болгонун айтты.

Белгилей кетсек, 11-декабрда өткөн Бишкек шаардык кеңешинин депутаттарын шайлоодо 7 пайыздык босогону 5 партия басып өтүп, жеңишке жеткен. Алар: КСДП, "Республика-Ата Журт", "Өнүгүү-Прогресс", "Мекеним Кыргызстан" жана "Кыргызстан" партиялары. 45 депутаттан турган Бишкек шаардык кеңеши 4 жылдык мөөнөткө шайланды.