Супер-Инфо
super.kg видео
Америкалык "Forbes" журналы Кыргыз өлкөсүн 2017-жылдагы бюджеттик багыттагы эң мыкты өлкөлөрдүн катарына киргизди
Америкалык каржы-экономикалык "Forbes" журналы Кыргыз өлкөсүн 2017-жылдагы эң мыкты бюджеттик багыттагы туристтик өлкөлөрдүн катарына кошту. Тизмеде 17 өлкөдөгү 21 багыт көрсөтүлгөн.
Басылма Кыргыз жергесинин 93 пайызын тоолор ээлей тургандыгын, тарыхы жана маданияты бай экендигин жазган. Бишкек Улуу Жибек жолунан мураска калган калаа катары Борбор Азияны иликтөө үчүн эң мыкты борбор деп белгиленген.
Журнал капчыгы чектелүү туристтер үчүн Кыргыз өлкөсүн эң ыңгайлуу өлкө катары жазган. "Шаарда мейманкана үчүн бир түнгө болгону 15 доллар төлөөгө болот. Жакшы тамактануунун баасы 2 доллардан башталат. Атүгүл салттуу боз үйдө калып, эки маал тамактануу бир киши үчүн болгону 20 долларды түзөт", - деп жазылат журналда.
Тизмеде мындан тышкары Португалия, Түштүк Корея, Румыния, Түштүк Африка, Греция, Филиппин, Австралия, Тринидад жана Тобаго, Словакия, Грузия, Лаос, Египет, Боливия, Юта штаты, Гватемала, Белиз жана Гондурас бар.
Буга чейин "National Geographic", "Financial Times", "The Guardian" жана "Business Insider" өлкөбүздү 2016-жылы туристтер бара турчу эң ыңгайлуу өлкө экенин жазышкан болчу.
2
1 |