СУПЕРСТАН: "Үй-бүлөсүн бага албаган эркектер аң-сезими жеткиликтүү өрчүбөй калгандарбы?"

SUPER.KG порталынын "Суперстан" бөлүмүндө "Жашоодо эч нерсе колунан келбеген үй-бүлө башчыларына кандай карайсыңар?" деген тема талкууга алынууда.

Темадагы билдирүүлөрдөн:

"Үй-бүлөсүн баккандарга даңк! Өзүн эптей албагандарга жаман сөздөр - оосуракка арпадан жасалган ун шылтоо".

"Мен ушундайлардан корком, бекерчи, калпычылардан Кудай сактасын. Эркек эле эмес, кыз кишилерге да жарашпайт".

"Үй-бүлөсүн бага албаган эркектер, биринчиден, аң-сезими жеткиликтүү өрчүбөй калган адам, башкалардан айырмасы - ак менен караны ажырата албай калган. Ал бирөөгө көз каранды болуп өтөт. Экинчиден, алдыга койгон максаты жок. "Кардым тойсо, күлгө барып оонасам" болуп өмүрүнүн өткөнүн деле билбей калышат. Бир күнү караса эле баласы, кызы бойго жеткен. Анда дагы жакшы аял туш болуп калган болсо".

"Мындай эркектерге эч ким жардам бербеш керек. Башына кыйынчылык түшкөндө аракет кылып, өзү акча таап үй-бүлөсүн бага баштайт. Ата-эне, кайын журту өмүр бою бакмак беле? "Өзүң тап, көйгөйүңдү өзүң чеч" деп таштап коюшса, бир айласын таап тирилик кылганга үйрөнөт".

Талкууга кошулгуңуз келсе, бул жакка кириңиз.