ЖЫЛНААМА, 20-ЯНВАРЬ: Ырчы, актриса Гүлнур Асанова 29 жаш курагын туугандары менен белгилеп жатат

Бүгүн, 20-январда ырчы, актриса Гүлнур Асанова 29 жашка толду. Аны өздүк майрамы менен куттуктап чалсак, үйүндө коноктор бар экенин айтып, туулган күнүн туугандары менен белгилеп жатканын билдирди.

"Жыл сайын туулган күнүмдө апам эң биринчи болуп 00:00дү күтүп отуруп куттуктайт. Бүгүн туугандарымды үйгө чакырганбыз, жүрөктөн чыккан каалоо-тилектерди угуп, белектерди алып жатам. Өздүк майрамымды эртең дагы улантып, кесиптеш, досторум менен бирге белгилейм", - деди ал.

Г.Асанова 1988-жылы 20-январда Жалал-Абад облусуна караштуу Аксы районунун Кербен шаарында төрөлгөн. "Супер-Инфонун" тандоосу боюнча "2011-жылдын супер дебюту" наамынын ээси. Комуздун коштоосунда ырдап, дастан айтуудан сырткары "Туңгуюк", "Мезгил жана Алыкул", "Эгиздер тагдыры", "Кылмыш" жана башка тасмаларда роль жараткан.

20-январга карата жылнаама.