ЖЫЛНААМА, 23-ЯНВАРЬ: Мыкы атка конгон күлкү жаратуучу Мыктыбек Мукаев туулган күнүн учакта тосту

Бүгүн, 23-январда жаш стендапчы, "Тамашоунун" оюнчусу, "Жарайт Сity" долбоорунун актёру Мыктыбек Мукаев 23 жашка толду. Күлкү жаратуучуну туулган күнү менен куттуктап чалсак, SUPER.KG порталына ыраазычылыгын айтып, бүгүн таңга маал командасы менен бирге Сочи шаарынан учуп келгендигин билдирди.

"Туулган күнүмдү учактан тостум (күлүп). Бүгүн эртең менен саат 4төрдө командабыз менен Сочи шаарынан учуп келдик. Андыктан өздүк майрамым менен биринчи болуп командалаш досторум, "Позитиффтин" оюнчулары куттукташты", - деди ал.

Эскерте кетсек, жакында Орусиянын Сочи шаарында "КиВиН-2017" 28-Эл аралык фестивалы өтүп, ага "Позитифф" командасынын оюнчулары катышышкан.

М.Мукаев 1994-жылы 23-январда Ысык-Көл облусуна караштуу Түп районунун Кең-Суу айылында жарык дүйнөгө келген. Кыргыз мамлекеттик техникалык университетинин машина куруу факультетин аяктаган. Ал ТНТ каналындагы "Камеди баттл" шоусунун жарым финалына жейин жетип, калың элге таанылган.

23-январга карата жылнаама.