ТЕСТ: 1 күн премьер-министр болгон чиновник ким?

Өкмөт башчылардын ичинен Жоомарт Оторбаев жөнөкөйлүгү, кийинүү стили менен кескин айырмаланып турган. Өзгөчө анын галстуктары көзгө урунчу. 2014-жылы Бишкекте өткөн иш-чарада студенттер Оторбаевден канча галстугу бар экенин сурашканда, так санын айта алган эмес. Галстуктарды көбүнчө белекке аларын билдирген.

Жумалиев азыркы учурда парламент депутаты. 2015-жылкы парламенттик шайлоодо "Бир бол" партиясынын тизмеси боюнча депутат болуп шайланган.

Апас Жумагулов Кыргыз Республикасынын өкмөтүн 1993-жылдан 1998-жылга чейин башкарган. Бул эң узакка премьерлик кызматта турган жалгыз чиновник. Калган өкмөт жетекчилеринин алды 3 жыл, арты 1 күн иштеген.

Данияр Үсөнов 2009-жылдын декабрынан 2010-жылдын 7-апрелиндеги революцияга чейин өкмөттү башкарып турган. Үсөнов өлкөдөн чыгып кеткен боюнча кайрылып келе элек. 2014-жылы Бишкек гарнизондук сотунда аны өмүр бою эркинен ажыратуу чечими чыккан.

2016-жылдын башында Жогорку Кеңеште түзүлгөн депутаттык комиссия Транспорт министрлиги өткөргөн тендерде жол куруу укугун лицензиясы жок “Лонг Хай” компаниясы мыйзамсыз утканын жарыялаган. Бул иште ошол кездеги премьер Темир Сариевдин да аты аталып, чиновник көп өтпөй кызматтан кеткен.

6 адам окко учкан Аксы окуясы 2002-жылдын 17-мартында болгон. Ал эми Курманбек Бакиев 2000-жылдын 20-декабрынан 2002-жылдын 22-майына чейин премьер-министр болуп турган.

Алмамбет Матубраимов бир күн өкмөт башчынын милдетин аткарган, 1993-жылдын 13-декабрынан 14-декабрына чейин. Бул Кыргыз Республикасынын тарыхындагы эң аз мөөнөткө өкмөттү жетектеген адам.

2016-жылдын октябрында өкмөт башчы Сооронбай Жээнбеков өкмөттөгү чыгымды кыскартуу иштери тууралуу айтып жатып "Биз каражатыбызга жараша жашаганды үйрөнүшүбүз керек болууда. Транспорт, иш сапар, байланыш боюнча чыгымдар кыскартылды" деп билдирди. Бирок депутаттар өкмөттү ашыкча ысырапкорчулукка такай күнөөлөп келишет.

2013-жылы парламентте "Кумтөр" маселеси каралып жатканда ошол кездеги премьер Жантөрө Сатыбалдиев "эгер үлүштү 51 пайызга жеткирем дегендер болсо, ордумду бошотуп берүүгө, ал тургай ага кызмат кылып чай ташып берүүгө даярмын" деп билдирген. Сатыбалдиев "Кумтөрдөгү" үлүштү 50х50 пайыздан бөлгөн жаңы ишкана түзүүнү жактаган.

Алмазбек Атамбаев 2 жолу премьер-министрлик кызматты аркалаган. Биринчиси: 2007-жылдын 29-мартынан ушул эле жылдын ноябрына чейин өкмөттү жетектеген (Бакиевдин тушунда). Экинчиси - 2010-жылдын декабрынан 2011-жылдын декабрына чейин министрлер кабинетин башкарган.

2012-жылы "Ата Мекен" фракциясы премьер-министр Өмүрбек Бабанов түркиялык ишкерден баасы 1 миллион долларды чапчыган аргымак белекке алганын, бул иште жеке кызыкчылыктар бар экенин айтып чыккан. Бабанов күлүктү сатып алганын билдирген. Бирок маселе ырбап, Бабанов 2012-жылдын 1-сентябрында отставкага кеткен.

Кыргыз Республикасынын биринчи Премьер-министри - Насирдин Исанов. Ал өкмөттү 1991-жылдын 21-январынан ушул эле жылдын 29-ноябрына чейин жетектеген. Исанов автокырсыктан каза тапкан. Өкмөт башчы катары бир топ жакшы иштерди жасоого үлгүргөнү белгилүү.

Өкмөт - өлкөнүн аткаруу бийлиги. Бүгүнкү күндө өкмөттүн курамында 12 министрлик, 4 комитет бар. Тармактар боюнча 4 вице-премьер-министр иштеп жатат.