"Оскар-2017" сыйлыгына талапкерлердин тизмеси жарыяланды

"Ла-Ла Ленд" тасмасында башкы каармандардын образын жаратышкан Эмма Стоун менен Райан Гослинг

Натали Портман "Жеки" тасмасында

Николь Кидман "Арстан" тасмасында

"Ай жарыгы" тасмасынын актёрдук курамы

Мишель Уильямс жана Кейси Аффлек "Деңиз жээгиндеги Манчестер" тасмасында

2017-жылы "Оскар" сыйлыгынын 89-сыйлык тапшыруу аземи 26-февралда "Долби" театрында өтөт. Ал эми бүгүн, 25-январда бул сыйлыкка талапкерлердин тизмеси жарыяланды.

Маалыматтарга караганда, "Мыкты актёр" сыйлыгына талапкерлер: Вигго Мортенсен ("Капитан Фантастик"), Райан Гослинг ("Ла-Ла Ленд"), Кейси Аффлек ("Деңиз жээгиндеги Манчестер"), Дензел Вашингтон ("Тосмолор"), Эндрю Гарфилд ("Абийир чечими").

"Экинчи пландагы мыкты актёр" сыйлыгына талапкерлер: Дев Патель ("Арстан"), Махершала Али ("Ай жарыгы"), Жефф Бриджес ("Кандай баа болбосун"), Майкл Шеннон "Түн жамынып", Лукас Хеджес ("Деңиз жээгиндеги Манчестер").

"Мыкты актриса" сыйлыгына талапкерлер: Натали Портман ("Жеки"), Эмма Стоун ("Ла-Ла Ленд"), Изабель Юппер ("Ал"), Мерил Стрип ("Флоренс Фостер Женкинс"), Рут Нега ("Сүйүү").

"Экинчи пландагы мыкты актриса" сыйлыгына талапкерлер: Николь Кидман ("Арстан"), Наоми Харрис ("Ай жарыгы"), Мишель Уильямс ("Деңиз жээгиндеги Манчестер"), Виола Дэвис ("Тосмолор"), Октавия Спенсер ("Жашыруун кишилер").

"Мыкты фильм" сыйлыгына талапкерлер: "Ла-Ла Ленд", "Арстан", "Ай жарыгы", "Кандай баа болбосун", "Деңиз жээгиндеги Манчестер", "Тосмолор", "Абийир чечими", "Келүү", "Жашыруун кишилер".

"Мыкты режиссёр" сыйлыгына талапкерлер: Дэмьен Шазелл ("Ла-Ла Ленд"), Барри Женкинс ("Ай жарыгы"), Кеннет Лонерган ("Деңиз жээгиндеги Манчестер"), Дени Вильнев ("Келүү"), Мел Гибсон ("Абийир чечими").