Бүгүн Жогорку Кеңеште депутаттар менен чиновниктер социалдык маселелерди талкуулашат

Бүгүн, 26-январда Жогорку Кеңештин жыйынында социалдык маселелер боюнча "Өкмөттүк күн" өткөрүлөт. Иш-чарада төмөнкү маселелер каралмакчы:

• "Саламаттык сактоо уюмдарына тиешелүү болгон ижарага алынган жана менчиктештирилген жер тилкелеринин жана баш пааналарынын абалы жөнүндө" Жогорку Кеңештин 2014-жылдын 27-мартындагы токтомунун аткарылышы жөнүндө;

• Билим берүү, маданият жана спорт уюмдарына тиешелүү болгон, ошондой эле тарыхый-маданий мураска ээ, менчиктештирилген жер тилкелеринин жана баш пааналарынын абалы жөнүндө;

• Саламаттык сактоо министрлигине караштуу Улуттук онкология борборунун ишмердигин иликтөө боюнча Жогорку Кеңештин Социалдык маселелер, билим берүү, илим, маданият жана саламаттык сактоо боюнча комитетинин жумушчу тобунун ишинин жыйынтыгы жана республиканын онкологиялык жана гематологиялык кызматтарын бириктирүүсү жөнүндө.

Жыйындын жүрүшүндө депутаттар өкмөт мүчөлөрүнө социалдык маселелер боюнча суроолорун беришмекчи.