Зордуктоо кылмышына шектелип 43 жаштагы жаран кармалды

“Зордуктоо кылмышына шектелип Бишкек шаарынын тургуну кармалды”. Бул тууралуу Бишкек шаардык ИИББинин басма сөз кызматы билдирет. Жал кичи районунун 38 жаштагы С.С. аттуу тургуну милицияга кайрылып, “бейтааныш адам 26-апрель күнү саат 20:30 чамасында №72-мектептин жанынан күч колдонуп зордуктады”,- деп билдирген. Окуяны иликтөөнү колго алган Ленин РИИБинин кызматкерлери 27-апрелде кылмышка шектүү катары Бишкек шаарынын 43 жаштагы Б.К. аттуу тургунун кармашты. Тергөө амалдары жүрүп жатат.