МЕДИА-ПОРТАЛ: "Тоолук кыз" клибин тартып жатып өзүбүздөн музыкалык аспаптарды артык көрдүк" дейт ырчы Нурболот Теңизбек

Тоолук кыздарга арналып жазылган ашыктык ырларынын бири "Тоолук кыз" чыгармасын "Чоро" тобунун жигиттери аткарышат. Топтун солисти Нурболот Теңизбек аталган ырга тартылган клип жөнүндө буларды билдирди:

"Клип Кыргыз драма театрынын сахнасында тартылган. Алгач ырдын маанисине ылайык тоодо тарталы дегенбиз. Бирок "тоолук кыз" деп ырдап, тоодо тартсак көнүмүш клип болуп калат го деп студиянын ичинде тартууну чечкенбиз. 2 күндүн ичинде тартылып бүткөн.

Клипте баарыбыздын колубуздагы музыкалык аспаптар менен секирген жерибиз бар эмеспи. Ал үчүн атайын чоң батуттарды алып келген элек. Анан секирип, жыгылып жатып, ошол учурда өзүбүздү эмес, аспаптарды абайлап жаттык".

"Чоро" тобунун "Тоолук кыз" ырынын клибин бул жерден көрүңүз.