Финляндияда ашканасы жок ресторан ачып, сынап көрүшүүдө

Финляндиянын борбору Хельсинкиде тамак даярдай турган ашканасы жок ресторан ачып, сынап көрүшүүдө. Ресторан "Take In" деп аталат. Бул ресторандын кардарлары өздөрүнө жаккан тамактарды жакынкы башка кафе-ресторандардан буйрутма берип алдырышат. Бул тууралуу чет элдик басылмалар жазып чыкты.

"Кардарлардын арасында түрдүү адамдар кезигет. Мисалы, 1 кардарга бир ресторандын суюк тамактары жакса, башка бир ресторандын 2-тамагы же десерти жагат. Өзүнө жаккан тамактарды бир жерден жеш үчүн кардар ресторандын кызматкерлерине башка жактардан буйрутма берип алдыртса болот. Көп учурларда жубайлар же достор ашкана тандоодо кайчы пикирлерге кезигишет. Мындай ыңгайсыздыктан качуу үчүн аталган ресторандын кызматкерлери жардамга келишет. "Take In" ресторанында жакынкы 20 кафе-ресторандын менюсу бар", - деп жазат басылмалар.

Ашпозчусу жок бул ресторанда керектүү ичимдик жана суусундуктан башка тамак табуу мүмкүн эмес.