Покровка айылындагы балдардын жатак-үйүндө учурда 52 бала тарбияланат

Чүй облусунун Покровка айылында жайгашкан ден соолугунун мүмкүнчүлүгү чектелүү балдардын жатак-үйүндө учурда 52 бала тарбияланат. Бул тууралуу Социалдык өнүктүрүү министрлигинин басма сөз кызматы билдирди. Маалыматка ылайык, аталган мекемеде 4 жаштан 18 жашка чейинки акыл-эсинин өрчүүсү артта калган жана басууга мүмкүнчүлүгү жок балдар тарбияланат. Бул балдардын ичинен 26 бала такыр баспайт. Ошондой эле балдардын 90 пайызынын ата-энелери баш тарткан.