"Баласынын көзүнчө келинди зордуктады" деп айыпталган жарандын иши боюнча райондук соттун өкүмү жокко чыгарылып, кайра кароого жөнөтүлдү

Ысык-Көл облусунда "баласынын көзүнчө келинди зордуктады" деп айыпталган жарандын иши боюнча райондук соттун өкүмү жокко чыгарылды. Бул тууралуу бүгүн, 28-февралда SUPER.KG порталына Ысык-Көл облустук сотунан билдиришти.

Маалыматка караганда, сот отуруму кечээ, 27-февралда болуп анда соттук коллегия Тоң райондук сотунун өкүмүн жокко чыгарган. Ошондой эле ишти кайра кароо үчүн Ысык-Көл райондук сотуна жөнөткөн.

Айта кетсек, 2016-жылдын 28-июль күнү 1983-жылы туулган Чүй облусунун тургуну милиция кызматкерлерине кайрылып, Балыкчы шаарынан Бишкекке келе жатканда айдоочу аны зордуктап, 5 жаштагы баласы менен талаага таштап кеткенин айткан. Бул иш боюнча кылмышка шектүү катары 1986-жылы туулган Балыкчы шаарынын тургуну кармалган. Ысык-Көл облусунун Тоң райондук соту зордуктоого шектелген жаранды 3 жылга эркинен ажыраткан. Буга макул болбогон прокуратура Ысык-Көл облустук сотуна кассациялык даттануу келтирген.