Алмазбек Атамбаев Путин менен болгон сүйлөшүүлөрдүн жыйынтыгына ыраазы экенин айтты

Бишкекте бүгүн, 28-февралдагы маалымат жыйындын жүрүшүндө президент Алмазбек Атамбаев Орусиянын президенти Владимир Путиндин бул иш сапары Кыргыз мамлекети үчүн маанилүү окуя экенин белгиледи.

"Бул сапарыңыз дипломатиялык мамиленин түзүлгөнүнүн 25 жылдыгына туш болууда. Бул күн 20-мартта белгиленет. Бүгүнкү тар жана кенен чөйрөдөгү жолугушуубузда эки тараптуу кызматташуудагы дээрлик бардык маселелерди талкууладык. Бардык маселелер боюнча бир пикирге келдик. Экономика, коопсуздук, аскердик-техникалык кызматташуу жана ЕАЭБдеги интеграциялык көйгөйлөр каралды. Биздин өлкөлөрдүн эл аралык маселелер боюнча позициясы дал келип жатты. Буга чейинки келишимдердин аткарылышын карап чыктык. Мен жана Кыргыз делегациясы сүйлөшүүлөрдүн жыйынтыгына канааттандык. Бул үчүн орусиялык делегацияга ыраазычылык билдиребиз", - деди президент.