ЖЫЛНААМА, 2-МАРТ: "Сен кереметсиң!" тасмасында роль жараткан актёр жана ырчы Ли Хон Ки 27 жашка толду

Түштүк кореялык "Сен кереметсиң!" сериалына катышкан актёр жана ырчы Ли Хон Ки 27 жашка толду. Ал 1990-жылы 2-мартта Корея Республикасынын Кванджу шаарында төрөлгөн. Ли Хон Ки кичинекей кезинде балдарга арналган тасмага тартылып, кийин ырчы болууну чечкен.

2007-жылдан баштап "FTIsland" балдар тобунда ырдай баштаган. 2011-жылы жарыкка чыккан "Сен кереметсиң!" тасмасында жараткан ролу үчүн жаңы "Drama Awards" сыйлыгынын "мыкты актёр" наамына татыган.

Актёр мындан тышкары "Менин сүйлөшкөн кызым - Кумихо", "Булчуңдуу кыз", "Норико Сеулга барат", "Ысык коштошуу", "Кылымдын келини", "Заманбап дыйкан", "Итти кантип уурдаса болот?" жана башка сериалдарда роль жараткан. 2013-жылы маникюр жасоо өнөрү тууралуу "Lee Hong Gi Nail Book" деген аталышта китеп чыгарган.

2016-жылдын август айында Ли Хон Ки актриса Хан Бо Рым менен сүйүү мамилесинде деген кептер айтылган. Ошол эле жылдын ноябрында экөө кыз-жигит экендигин жар салышкан.

2-мартка карата жылнаама