Супер-Инфо
super.kg видео
ТЕСТ: Алган эри жарашса...?
Бүгүн, 8-Март - Айымдардын эл аралык майрамы. Аялдардын табият ыйгарган ыйык милдетин, эмгегин, түйшүгүн айтпасак да белгилүү. Эне, өмүрлүк жар, эже, карындаш... Аялдардын орду, улуулугу Кыргыздын макал-лакаптарында тамаша-чыны камтылып, таамай чагылдырылат. Кезектеги тестти сунуштайбыз, туура жоопторун табыңыз. Атайын элге кеңири белгилүү макалдар, накыл кептер тандалып алынды.
1
2
3
4
5
6
7
8
9
10
11
12
13
14
15
Аялдан эмне качып кутулбайт?
Кыргыз лакабы - "аялдан айла качып кутулбайт". Амалкөй, капилеттен сөз тапкан, караӊгыда көз тапкан айлакер деген мааниде.
карызы бар киши
айла
кийим
Суусардын болбойт түнөгү, сулуунун болбойт ...?
Кыргызда кеӊири колдонулуп жүргөн макал - "суусардын болбойт түнөгү, сулуунун болбойт жүрөгү".
... жүрөгү
... чүрөгү
... сүйөрү
Кара кыздын агынан эмес, ...?
Туура жооп: "Кара кыздын агынан эмес, багынан".
... багынан
... жарынан
... жашынан
Ата кадыры менен кыз өтөт, мата кадыры менен...?
"Ата кадыры менен кыз өтөт, мата кадыры менен бөз өтөт". Кыргызда уул үйлөп, кыз берерде болочок жубайлардын ата тегин сүрүштүрүү адаты бар.
... көч өтөт
... сөз өтөт
... бөз өтөт
Төркүнү жакындын...?
"Төркүнү жакындын төшөгү жыйылбайт". Макалды үйүнөн конок үзүлбөйт деген мааниде же төркүнүнө бат-баттан каттап үйүндөгү иши жасалбай калат деген мааниде түшүнүүгө мүмкүн.
... торпогу байланбайт
... төшөгү жыйылбайт
... тамагы түгөнбөйт
Кайнене "керегем сага айтам" деп туруп кимге кеңеш айтат?
"Керегем сага айтам, келиним сен ук". "Уугум сага айтам, уулум сен ук".
Күйөө баласына
Кудагыйына
Келинине
Макалды улантыңыз: Жаман аял белгиси - казаны калат жуулбай...
Туура жооп - кабы калат буулбай. Макал толугу менен: "Жаман аял белгиси - казаны калат жуулбай, кабы калат буулбай". Бир иштин өтөөсүнө чыкпайт, жалкоо деген мааниде.
... кабы калат буулбай
... чайы калат сунулбай
... кымызы калат куюлбай
Алган эри жарашса...?
"Алган эри жарашса, кара катын ак болот". "Баккан ээси жарашса, күйпүл күчүк сак болот". Бул макал бүгүнкү күндө да кеӊири колдонулат.
... күйпүл аял сак болот
... кара катын ак болот
... кыздын көөнү шат болот
Макалды толуктаңыз: Энесин көрүп...
"Энесин көрүп, кызын ал". Энеси жакшы болсо, кызы да татыктуу тарбия алган деген ойду билдирет. Макалдын уландысы - "эшигин көрүп, төрүнө өт".
... кызын ук
... кызын өп
... кызын ал
Кымызды суусаганга бериш керек. Кыздычы?
Сөз баккан кыргыз эли "кымызды суусаганга, кызды сураганга бер" деп айтат.
Сынаганга
Сураганга
Урбаганга
Меймандын сүйгөн тамагы...?
Меймандын сүйгөн тамагы - үй ээсинин жаркын кабагы. Кыргыз элинин меймандостугун баяндаган макал. Келген конокко үй ээсинин берген тамагынан мурун, очок ээсинин маанайы маанилүү экени чын.
... үй ээсинин сунган арагы
... үй ээсинин эттүү табагы
... үй ээсинин жаркын кабагы
Кызга канча үйдөн тыюу?
Кыргызда кыздын тарбиясына, жүрүм-турумуна өзгөчө көңүл бурулат. Ошондуктан "кызга кырк үйдөн тыюу" деген макал айтылат.
70
40
30
Аялың долу болсо...?
Аялың долу болсо, замандын тынчтыгынан не пайда. Кыргыздын байыркы макалдарынын бири. Аялзатындагы айрым кемчиликтерди ушинтип 2 эле сөз менен түшүндүрүп коюшкан.
...замандын тынчтыгынан не пайда
... сенин ыймандуулугуң курусун
... коңшуңда тынч уйку жок
Кайсы элден жүдөө көрсөң зайыпты, ... Улантыңыз.
"Кайсы элден жүдөө көрсөң зайыпты, ошол элдин уулуна кой айыпты". Аялдарга кам көрүү, сыйлоо, үй-бүлөдө кем-карчын толуктоо милдети дайыма эркектердин моюнунда. Бул накыл сөз да ошону айтып турат.
... ошол элдин уулуна кой айыпты
... ошол элдин баарына кой айыпты
... эскертип өт, унутпасын тарыхты
Эненин көөнү балада, баланын көөнү...?
Кыргыздын накыл кеби: "Эненин көөнү балада, баланын көөнү талаада". Бул макал эненин балага болгон сүйүүсүн даӊазалайт.
...санаада
... талаада
...калаада
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
9
Энесин коруп кызын ал дегенди басам деп ашыгып кызын опту басып албадымбы каап...