Белгилүү ырчы Бейонсенин кызы Блу Айви кечеге 26 миӊ долларлык көйнөк кийип келип, элдин көӊүлүн бурган

Белгилүү америкалык ырчы Бейонсе менен рэпер, таасирдүү продюсер жана музыкант Жей Зинин кызы Блу Айви өткөн жумада Лос-Анжелес шаарындагы кечеге 26 миӊ долларлык көйнөк кийип келип, элдин көӊүлүн бурган. Атактуу үй-бүлө 2-мартта "Сулуу бийкеч жана түрү суук" ("Красавица и чудовище") тасмасынын премьерасына катышышкан. Бирок алар фотографтардын көзүнө түшүүдөн качып, жашыруун эшиктен киришкен. Бул тууралуу чет элдик басылмалар бүгүн, 7-мартта жазып чыгышты.

Бир кымбат баалуу унаанын баасына барабар көйнөк "Gucci" мода үйүндө даярдалган. Ал эми кичинекей сулуунун энеси да ушул эле фирманын көйнөгүн кийип чыккан. Сүрөттөр болсо кийинчерээк ырчынын расмий сайтына жайгаштырылган.

Белгилей кетсек, ушул жылдын февраль айында кош бойлуу экени тууралуу кабарлаган Бейонсенин сүрөтү Инстаграмда "жакты" белгисин чогултуу боюнча рекорд жараткан.