ЖЫЛНААМА, 14-МАРТ: Гүлзада Рыскулова "Туулган күнүм экенин унутуп калыптырмын, куттукташканда эстедим" дейт

Бүгүн, 14-мартта КРнын Эмгек сиңирген артисти, ырчы Гүлзада Рыскулова 37 жашка толду. Аны куттуктап чалсак, SUPER.KG порталына ыраазычылыгын айтып, конокторду тосууга даярданып жатканын билдирди.

"Туулган күнүмдү 2-3 күндөн кийин экен деп жүрө бериптирмин, 14ү келе элек деп. Досум куттуктаганда эстеп кеттим. Өздүк майрамымды туугандарымдын курчоосунда белгилөөнү пландап жатам, учурда ага даярдык көрүүдөмүн", - дейт ырчы.

Гүлзада Рыскулова 1980-жылы 14-мартта Ош облусундагы Өзгөн районунун Чымбай деген айылында туулуп-өскөн. Ош мамлекеттик педагогикалык институтунун музыкалык бөлүмүн аяктаган. Г.Рыскулова алгач "Мен кыргыздын кызымын" аттуу ыры менен чыгып, аз убакыттын ичинде калың элге таанылган. Кийин кыргыздын нукура күү, дастандарын дүйнөгө тааныткан "Ордо сахна" фольклордук-этнографиялык тобунда эмгектене баштаган. 3 уулдун энеси. 2016-жылы ага КРнын Эмгек сиңирген артисти наамы ыйгарылган.

14-мартка карата жылнаама