Тарых музейинде “Гүлдүү колейдоскоп” аттуу өсүмдүктөр көргөзмөсү болот

7-май күнү Бишкек шаарындагы Мамлекеттик тарых музейинде “Гүлдүү колейдоскоп” аттуу гүл өстүрүү боюнча көргөзмө болот. Анда катышуучулар үчүн бөлмө өсүмдүктөрүнүн 500дөн ашуун түрү коюлат. Ошондой эле бардык каалоочулар өзүнө жаккан өсүмдүктү, бөлмө өсүмдүгүн кароого керек болгон жабдууларды сатып алса жана тийиштүү адистерден өсүмдүк тууралуу маалымат, кеңештерди алса болот. Мындан сырткары көргөзмөгө сейрек кездешүүчү өсүмдүктөрдүн түрлөрү да коюлмакчы. Белгилей кетсек, көргөзмө 10-майга чейин созулат.