ЖЫЛНААМА, 27-МАРТ: Тамашоучу, актёр Жаныш Майрамбек уулу 27 жашын кесиптештери менен белгилейт

"Ак кеме" командасынын капитаны, актёр Жаныш Майрамбек уулу бүгүн, 27-мартта 27 жашка толду. Аны куттуктап байланышка чыксак, ыраазычылыгын айтып, учурда жеке жумуштары менен алектенип жатканын билдирди.

"Туулган күнүмө карата куттуктоолор саат 00:00дө эле башталган. Биринчи болуп досторум куттукташты. Өздүк майрамымды бүгүн кечинде кесиптештерим менен бирге белгилейин деп жатам", - деди ал.

Белгилей кетсек, Ж.Майрамбек уулу 1990-жылы 27-мартта Ысык-Көл облусуна караштуу Тоң районундагы Кара-Шаар айылында туулган. Мектепти аяктаган соң Кыргыз-Түрк "Манас" университетине тапшырган. Жаныш Майрамбек уулу "Тамашоу" долбоорундагы "Ак кеме" командасынын капитаны болгон. Аталган команда менен 2008-жылдын 1-ноябрында биринчи жолу эл алдына чыккан. Ж.Майрамбек уулу "Гонщик таксист", "Кекеч", "Мегатой" жана башка тасмаларда роль жараткан. Учурда "Эл эмне дейт?" юмористтик теледолбоорунун актёру.

27-мартка карата жылнаама.