Улуу Британияда иттер жана мышыктар үчүн шарап сатыла баштады

Улуу Британияда иттер жана мышыктар үчүн шарап сатыкка чыкканын чет элдик маалымат каражаттары жазып чыгышты.

Маалыматта ичимдиктин курамында алкоголь жок, ал лосось балыгынын майы, валериананын тамыры жана суудан жасалган. Шарап жаныбарларды мээримдүүрөөк кылып, уктоосуна жардам берет.

Мышыктар иче турган шараптын өңү ак, ал эми иттердики кызыл түстө. Ичимдикти ветеринарлар жасашкан. Алардын айтымында, мышык шарапты ичкенден кийин мээримдүү жана ак көңүл болуп калат. Ал эми иттердин уйкусу келе баштайт.

Жаңы шарапты ойлоп тапкан Терин Нан: "Эми сиз шарапты өзүңүз эле эмес, сүйүктүү жаныбарыңыз менен бирге ичсеңиз болот. Кээ бир адамдарга менин идеям жакпай калышы мүмкүн, бирок эң жакын досуңуз менен ичкенден жакшы нерсе жок эмеспи", - деген.