ЖЫЛНААМА, 2-АПРЕЛЬ: "Азия Mix'тин" капитаны Эльдияр Кененсаров туулган күнүндө жубайынан өзгөчө футболка белекке алды

"Азия Mix" КВН командасынын капитаны, "Большие люди", "КG Сlub" долбоорлорунун негиздөөчүсү Эльдияр Кененсаров бүгүн, 2-апрелде 33 жашка толду.

Ал Инстаграмдагы жеке баракчасына үй-бүлөсүнүн мультфильм каармандарына окшош сүрөттөрү түшүрүлгөн футболканы кийип түшкөн сүрөтүн киргизген.

Сүрөткө: "Туулган күнүм жубайымдын өзгөчө белегинен башталды. Футболкага менин сүйүктүү мультфильмимдин каармандарынын стилинде үй-бүлөмдүн сүрөтү түшүрүлгөн. Аябай стилдүү болуптур, рахмат!" - деп жазган.

Эльдияр Кененсаров 1984-жылы 2-апрелде Бишкек шаарында №2-төрөт үйүндө төрөлгөн. 2001-жылдан баштап, студент куракта эле КВНде ойноп баштаган. Ал эми телевизиондук КВНге 2006-жылы Казакстандын "КБТУ" командасында ойноп жүргөндө келип калган. "КБТУдан" кеткенден кийин Москвада СТС телеканалында иштеген. Кайра Кыргыз мамлекетине келип, "Большие люди" долбоорун ачкан. 2011-жылы КВНде ойногон балдарды чогултуп, Сочиге барышкан. Ал жактан Украинанын Жогорку Лигасына өтүшкөн.

2016-жылдын 23-декабрында "Азия МIX" командасы КВНдин Жогорку Лигасында чемпион аталган. Үстүбүздөгү жылдын февраль айынын аягында Э.Кененсариев КВНдин Премьер-лигасында калыстар тобунун катарына кирген. Мындан сырткары жыл сайын өтүүчү "Жылдын КВНчиси" сыйлыгынын ээси болгон. Ошондой эле быйыл март айында президент тарабынан "Данакер" ордени менен сыйланган.

Жеке жашоосу

2008-жылы болочоктогу жубайы Камила Абдил менен интернет аркылуу таанышып калган. Анда Камила АКШда окуп, иштеп жүргөн. 2009-жылы сүйүшкөндөр баш кошушкан.

2-апрелге карата жылнаама.